Rinoplastika

Bu nədir

Rinoplastika — burnun formasını və ya nəfəs funksiyasını dəyişdirən cərrahi əməliyyatdır. Estetik məqsədlə (kürək, uc, qanadlar) və ya əyri arakəsmə səbəbindən pozulmuş nəfəsi bərpa etmək üçün aparılır. Çox vaxt hər iki məsələ bir əməliyyatda həll olunur.

Kimlərə uyğundur

Böyümə prosesi başa çatmış (adətən 18 yaşdan yuxarı), ümumi sağlamlığı əməliyyata icazə verən, burnunun formasından və ya nəfəsindən narazı olan insanlar. Gözləntiləri real olan pasiyentlərdə nəticə ən yaxşı olur — konsultasiyada bunu birlikdə müzakirə edirik.

Kimlərə uyğun deyil

Nəzarətdə olmayan xroniki xəstəliklər, qanaxma pozğunluqları, aktiv infeksiya, hamiləlik və emzikdirmə dövrü. Siqaret çəkənlərdə sağalma gecikir — əməliyyatdan 2 həftə əvvəl və sonra siqaretdən imtina tələb olunur.

Risklər və ağırlaşmalar

Hər cərrahi əməliyyat kimi rinoplastikanın da riskləri var: qanaxma, infeksiya, anesteziyaya reaksiya, uzun sürən ödem, hiss itkisi, asimmetriya. Pasiyentlərin bir hissəsində (dünya statistikasında təxminən 5–15%) illər sonra korreksiya əməliyyatı tələb oluna bilər. Bütün riskləri əməliyyatdan əvvəl həkim sizinlə ayrıca danışır və yazılı razılıq alınır.

Necə keçir

1. 1Konsultasiya və müayinə, burnun ölçülməsi
2. 2Analizlər və anestezioloqun icazəsi
3. 3Əməliyyat — ümumi anesteziya altında
4. 4Burun içi tamponlar və xarici gips/atel
5. 5İlk yoxlama: tamponların çıxarılması
6. 67–10-cu gün: gipsin çıxarılması
7. 71, 3 və 12-ci aylarda nəzarət